Soms is it wetter krekt te heech

Ek as ik op myn teannen stean

Soms is it allegear wat te dreech

En is de druppel myn eigen trien

Tefolle beamen mar ik sjoch gjin bosk

Ik moat kieze welke ik rooie sil

As ik kin der troch hinnne rinne

Akseptearje de beamen sa’t se binne...

Ik wit wier net wat ik kieze sil

Ik moat oersicht ha,

oars kin ik net genietsje

fan it útsicht

ik meitsje paadsjes yn myn tiid

In moai ynsicht

Want ik hâld wis wol fan beamen

En trienen fyn ik net slim

Salang ik mar net fersûp

As op myn teannen rin

Romte yn myn holle

Binne de paden troch myn bosk

Swimme sûnder trienen

Gjin druppel mear tefolle

Ik sjoch myn bosk

Ik sjoch myn see

Op ‘e teannen

hie’k gjin útsicht

Op ‘e teannen

hie’k myn eagen ticht