Wêrst dochs wat stadichwei rinst...
Alle sintúgen op skerp….
Omdatst nea seker bist
Is se echt sa sterk… ?
Ik kom mei pine búk by dy
En gean hjir mei twifel wer wei..
Ik wol graach wêze
Wêr myn leafsten lizze
Mar it fielt sa dreech
En wat moat ik tsjin har sizze…?
Ik wol wêze
Tichteby
Want ik hald sa ôfgryslik folle fan dy
It leafst wol ik dy net allinnich litte
En seker witte
Ik kom wer by dy
Mar ik moat echt gean
En sels ek rêste
Se sizze, dat is it bêste
Om oerein te bliuwe stean
O ik fyn it sa swier
Om dyn hân los te litten
Om even te ferjitten
Nee, ik bin noch net sa fier
Och leave suster
Soargest goed foar har?
Sprekst har wol even oan?
En ferjit net
Aai ek sêftsjes oer har hân
As ik wei gean fan de IC
Sjoch ik altyd even om
Want ik wit nea
Hoe’t ik wer by har kom.
Comments